Belgjika “shkatërron” Azerbajxhanin shkon si kokë të Grupit F në Euro 2024, ndërsa skuadra e Gianni De Biasit e mbyll këtu këtë rrugëtim
Sfida e luajtur në “King Baudouin Stadium” u zhbllokua në minutën e 17’, me sulmuesin e Romës që gjeti rrugën drejt rrjetës dhe u dha avantazhin vendasve.
Lexo edhe:
- FOTO/ “E dua kombëtaren me gjithë zemër”, Broja: Qarkullojnë shumë të pavërteta
- Zyrtare/ Trajneri i Partizanit, presidenca merr vendimin përfundimtar
- Plas te Çekia, trajneri përjashton 3 futbollistë para finales me Moldavinë
- VIDEO/ Tifozët dhunojnë boksierin në ring, merret vendimi për duelin Nurja-Ramirez
Si të mos mjaftonte goli i pësuar, pas një ndërhyrje të gabuar ndaj Lukakut, Israfilov mori kartonin e dytë të verdhë dhe la skuadrën e Gianni De Biasi-t me dhjetë lojtarë.
Në minutën e 26’ Lukaku shënoi golin e dytë, në minutën e 30’ realizoi triplet, teksa vetëm shtatë minuta më pas bëri “poker”.
Pjesa e parë mund të kishte shkuar edhe në 5-0, por goli i Castagne në minutën e 45+2’ u anulua për pozicion të parregullt, pas verifikimit në VAR.
Pjesa e dytë u shfaq disi më e vakët dhe pavarësisht dominimit, Belgjika gjeti vetëm një herë rrugën drejt rrjetës me Trossard në minutën e 90’, duke bërë që kjo ndeshje të mbyllej me rezultatin 5-0.
Pas ndeshjes së fundit kualifikuese, Belgjika shkon në Europianin Gjermani 2024 si kokë e Grupit F, teksa Azerbajxhani i De Biasit kthehet në shtëpi.
Ndërkohë Austria është skuadra tjetër e Grupit F që shkon në EURO 2024, duke mbetur jashtë përveç Azerbajxhanit edhe Suedia e Estonia.
