Connect with us

Hi, what are you looking for?

Ligue 1

Bën “poker” ndaj Troyes, Lyon-i nuk “i ndahet” PSG-s

Olympique Lyon nuk i ndahet Paris Saint-Germain, ndërsa ka fituar bindshëm në raundin e dytë të Ligue 1. Lyon “shkatërroi” me rezultatin 4-1 skuadrën e Troyes.

Vendasit treguan dominim të padiskutuar gjatë gjithë sfidës, megjithatë fraksioni i parë u mbyll me barazimin 1-1. Ekipi i Bosz zhbllokoi rezultatin që në minutën e 3’ me golin e Lacazette, teksa në minutën e 39’ “ESTAC” ia  dolën të gjenin barazimin me anë të Tardieu, që shënoi nga pika e bardhë e penalltisë.

Në fraksionin e dytë nga Lyon jo vetëm që do të vazhdonin dominimin, por njëkohësisht do të shfaqeshin më produktivë. Mjaftuan vetëm 2 minuta nga nisja e pjesës së dytë dhe Tagliafico realizoi golin e dytë për vendasit. Teksa në minutën e 49’ ishte Tete ai i cili ngriti në këmbë tifozerinë në “Parc Olympique Lyonnais”.

Do të ishte po Tete ai i cili do të emociononte tifozerinë vendase me një super gol në minutën e 75’, duke realizuar dopietë personale dhe njëkohësisht i dhuroi “pokerin” skuadrës së Lyon-it.

Pas këtij takimi Lyon renditet në vend të dytë me pikë të barabarta me PSG-në, 6 pikë, teksa Troyes qëndron në vend të fundit me 0 pikë.

 

Lajme të tjera

Futboll

Skuadra e Mechelen, e drejtuar nga Besnik Hasi, rikthehet tek fitorja në kampionat belg në play off-in e grupit të Conference League. Pas humbjes...

Premier League

Armando Broja mund të përdoret nga Chelsea për të balancuar financat, duke u nxjerrë në shitje. Blutë kanë shpenzuar shuma marramendëse në sesionet e...

La Liga

Që kur Xavi Hernandez njoftoi se do të largohej nga Barcelona në fund të sezonit, gjërat kanë filluar të shkojnë më mirë te “Blaugrana”....

Futboll

Fernando Santos nuk është më trajner i Beshiktashit, ka bërë të ditur klubi nga Stambolli këtë të shtunë. Vendimi u mor pas barazimit (1-1)...