Befasinë në javën e 28-të të Serisë A e bën Beneveto, skuadër që lufton për mbijetesë. Të besuarit e Pipo Inzaghit fituan 0-1 në “Allianz Arena” ndaj Juventusit, duke e larguar “Zonjën e Vjetër” nga titulli kampion. Diferenca mes zikaltërve kryesues dhe bardhezinjve mbetet 10 pikë. Golin e vetëm të këtij takimi e shënoi Gaich në minutën e 69-të, pas një gafe të mbrojtjes juventine.
Bardhezinjtë tentuan me gjithçka mundën në minutat e mbetura, por as Chiesa e as Cristiano Ronaldo nuk I shfrytëzuan mundësitë e krijuara. Një sukses historik dhe shumë i rëndësishëm për Beneventon, që I largohet zonës së rënies, duke krijuar një distancë sigurie prej 7 pikësh.
Me të njëjtin rezultat 0-1 Lazio fitoi në fushën e Udineses, kju vendosi goli i Marusicit, ndërsa Sampdorias i mjaftoi goli i Candrevas për të marrë pikët maksimale ndaj Torinos.