Benevento vijon të qëndrojë në kuotën e zero pikëve, edhe pas javës së 14 të Serisë A. Skuadra ku aktivizohen 2 futbollistët e kombëtares shqiptare, Memushaj dhe Gjimshiti, u mposht sërish sot, në transfertën ndaj Atalantës së Etrit Berishës.
Vendimtar ishte një gol i shënuar në minutën e 75-të, nga mesfushori Cristante, që i dha 3 pikët bergamaskëve dhe la sërish ‘duarthatë’ Beneventon. Kjo e fundit, javën e kaluar theu rekordin e Manchester Unitedit me 12 humbje radhazi, ndërsa sot e ka çuar në 14 këtë shifër.
Etrit Berisha ishte si zakonisht titullar në katërkëndëshin e portës së Atalantës, por te Benevento vetëm Gjimshiti startoi nga fillimi, ndërsa Memushaj u aktivizua në minutën e 80’.
Pas 14 javësh, Seria A kryesohet nga Napoli me 38 pikë, i ndjekur nga Interi me 36 dhe Juventusi me 34, ndërsa renditja mbyllet pikërisht nga Benevento me zero pikë.
