Trajneri i Newcastle, Rafa Benitez shprehu pakënaqësinë e tij për buxhetin e vënë në dispozicion dhe për merkaton e zhvilluar deri më tani nga drejtuesit e klubit.
Të gjithë zhgënjimin e tij, 58-vjeçari nuk nguroi aspak t’ia bënte të ditur pronarit të klubit, Mike Ashley. Spanjolli deklaroi se nëse nuk marrin përforcimet e duhura për sezonin e ardhshëm, gjatë kampionatit mund të hasin shumë vështirësi.
Ai theksoi se shpreson që kjo deklaratë e tij të merret në konsideratë nga drejtuesit e klubit. Benitez tha se e vetmja gjë pozitive për momentin, është dëshira e të rinjve për të dhënë maksimumin për skuadrën.