Domenico Berardi dëshiron të bëjë hapin cilësor të karrierës dhe të provojë vlerat e tij në një ekip të madh. 24-vjeçari pothuajse në çdo dritare të merkatos ka qenë në radarët e Juventus, Romës, Milanit apo Interit, por duket se kjo verë do të jetë vendimtare për largimin e tij nga Sassuolo.
Sulmuesi italian u shpreh se tani është gati të provojë një aventurë të re, teksa u ka kërkuar drejtuesve që të pranojnë kërkesën për t’u larguar. Një pengesë mbetet vlerësimi i lartë i kartonit të tij prej 40-50 milionë eurosh, shumë që kërkon presidenti Squinzi për ta lënë të ndjekë ëndrrat e tij.
