Elvi Berisha realizoi një gol shumë të bukur tre minuta përpara fundit, duke vulosur fitoren 2-0 të Skënderbeut ndaj Egnatias. Sulmuesi i ekipit korçar foli në “Gol pas Goli” në Supersport, ku ndër të tjera tha:
“Ishim të dënuar ta fitonim këtë ndeshje. Ishte një nga ndeshjet më të mira tonat. I zbatuam detyrat me përpikmëri dhe ishim si të dënuar për të marrë tre pikët.
Mensah? Ndihemi mirë, kemi kombinuar mire së bashku. Në ndeshjet e fundit kemi shënuar edhe unë edhe ai, kështu që ndihem mirë.
Nuk kemi garë, mendojmë gjithmonë për të mirën e ekipit të dy, kush do shënojë më shumë, aq më mirë është për ekipin dhe veten tonë.
Natë e mrekullueshme në të gjitha aspektet, edhe goli ishte ndër golat më të bukur të mi, shpresoj të vazhdojmë kështu”, deklaroi 22-vjeçari i Skënderbeut.
