Në orën 20:30, në Bergamo do të startojë sfida e fundit e javës së 14 të Serisë A, ajo mes Atalantës dhe Napolit, ku do të luhet edhe një mini-derbi shqiptar, me Hysajn në kampion napolitan dhe Berishën e Gjimshitin te vendasit.
Pikërisht gardiani i Kombëtares Shqiptar, Etrit Berisha ka folur për mediat e klubit të Atalantës, rreth dy orë para startit ët sfidës, teksa ka rikujtuar eksperiencat pozitive të zikaltërve përballë Napolit.
“Me Napolin kemi bërë ndeshje të mira, pasi i kemi mundur dy herë në “San Paolo”, ndërsa sezonin e kaluar humbëm në shtëpi, por në një sfidë shumë të komplikuar për të dy skuadrat. Sonte do të bazohemi te mbështetja e publikut, për të përsëritur një ndeshje të njëjtë si me Interin dhe për të marrë 3 pikët”, deklaroi portieri shqiptar i Atalantës.