Pasquale Marino nuk është më trajner i Spalit. Lajmin e ka dhënë vetë klubi italian që militon në Serinë B, teksa fatale për teknikun ka qenë humbja 3-0 në sfidën në transfertë ndaj Pisa-s të hënën.
Trajneri i ri është emëruar menjëherë pasditen e sotme dhe do të jetë Massimo Rastelli, i cili ka nënshkruar një kontratë deri në fund të sezonit, me opsion rinovimi edhe për një vit tjetër.
Rastelli 42-vjeçar ka drejtuar disa skuadra në ligat e ulëta të futbollit në Itali, teksa eksperiencën më të rëndësishme ka atë në pankinën e Cagliarit në periudhën 2015-2017.
Te Spali militon edhe portieri i kombëtares shqiptare, Etrit Berisha dhe skuadra synon ngjitjen në Serinë A, teksa aktualisht pozicionohet në zonën Play Off të renditjes.