Milan fitoi titullin kampion të Seria A pas një mungese prej 11 vitesh, duke shtuar kështu trofeun e 19-të.
Duke folur pas fitores së ndeshjes së fundit të sezonit 2021-2022, atë ndaj Sassuolos, të cilën Milan e fitoi në transfertë me rezultatin 0-3, dhe që ishte ajo që vulosi kampionin e këtij edicioni, Presidenti i “Djallit” në periudhën e artë të “kuqezinjve”, Silvio Berlusconi u shpreh se kjo skuadër mund të nisë një cikël fitoresh.
“Është vërtet një gëzim i jashtëzakonshëm. Ishte një emocion i madh edhe sepse mund të ndjeje entuziazmin fantastik të tifozëve kudo. Më në fund pas 11 vitesh ndodhi përsëri, e prisnim kaq shumë dhe ia dolëm. Triumf i merituar dhe i pabesueshëm. Ky ekip i përbërë nga kaq shumë të rinj ka gjithçka që duhet që sukseset të përsëriten dhe të hapin një cikël fitues siç ka qenë i yni.”-tha për mediet italiane Berlusconi.
