Në lupën e Komisionit të Disiplinës pranë Federatës Shqiptare të Futbollit kanë kaluar kryesisht sfidat e Kategorisë së Parë dhe të kategorive të tjera më të ulëta. Bie në dënimi i Besës me zhvillimin e një takimi pas spektatorë, apo paralajmërimi i Tiranës për sjelljen e gabuar të tifozëve të saj. Gjithashtu, një dënim i ashpër është dhënë edhe për lojtarin e Apolonisë, Redon Mihana, që pezullohet 5 ndeshje për dhunë ndaj kundërshtarit. Ja vendimet e plota të Komisionit të Disiplinës:
- KF “Besa”, për sjellje të gabuar e të përsëritur të tifozërise së saj, duke hedhur sende te forta brenda rrethimit të fushës, në bazë të Nenit 66/3.a) të KDS, dënohet me 1 (një) ndeshje pa spektatorë në stadiumin përkatës.
- Zyrtari i KF “Besa”, Bledar Sinella, për sjellje josportive ndaj kundërshtarit, në bazë të Nenit 48/2.a) dhe Nenit 20 të KDS, dënohet me 3 (tre) ndeshje pezullim nga aktiviteti, duke iu ndaluar qëndrimi në te gjithë territorin përreth fushës së lojës.
- Lojtari i KF “Apollonia”, Redon Mihana, për dhunë ndaj lojtarit kundërshtar, në bazë të Nenit 48/1.e) të KDS, dënohet me 5 (pesë) ndeshje pezullim.
- KF “Tirana”, paralajmërohet se, në rast përsëritjeje të sjelljes të gabuar nga ana e tifozërisë së saj, do të jetë subject i Komisionit të Disiplines, në bazë të Nenit 13 të KDS.
- KF “Adriatiku Mamurrasi”, për mosparaqitje në ndeshje me KF “Gramshi” planifikuar të luhej me datë 05.10.2017, në bazë të Nenit 55 të KDS, humbet ndeshjen në tavolinë me rezultatin 3 me 0.
- Lojtari KF “Dinamo” U-19, Jurgen Brahja, për shkelje të parimeve të fair play, në bazë të Nenit 56/1 .a) të KDS, dënohet me 2 (dy) ndeshje pezullim nga aktiviteti.
- Lojtarja e Juban Danja, Gjyste Rripaj, për sjellje josportive, në bazë të Nenit 49/1.a) të KDS, dënohet me 5 (pesë) ndeshje pezullim nga aktiviteti.
- Lojtarja e KF “Apollonia” femra, Klarina Goro, për ofendim ndaj zyrtarit të ndeshjes dhe për dhunë ndaj personave të tjerë, në bazë të Nenit 49/1.a) dhe Nenit 48/1.e) të KDS, dënohet me 20 (njëzet) ndeshje pezullim nga aktiviteti.
- Lojtaria e KF “Apollonia”femra,Ina Gjoni, për ofendim ndaj zyrtarit të ndeshjes dhe për dhunë ndaj personave të tjerë, në bazë tëNenit 49/1.a) dhe Nenit 48/1.e) të KDS, dënohet me 15 (pesëmbëdhjetë) ndeshje pezullim nga aktiviteti.
- Detyrohet KF “Apollonia” femra të zhdëmtojë të gjitha dëmet materiale të shkaktuara në dhomat e zhveshjes së Qëndrës së Ekipeve Kombëtare në Kamëz.
- Mospranimin e kërkesës së KF “Skrapari”, si të pabazuar në Rregulloren e Federatës Shqiptare të Futbollit.
- Në lidhje me ankesën e KF “Memaliaj, u vendos shtyrja e shqyrtimit të cështjes mbledhjen e ardhshme, për shkak të mbledhjes së dokumentacionit të nevojshëm.
- Përsa i përket kërkesës së KF “Memaliaj”, të datës 6 tetor 2017, Komisioni vendos refuzimin e shqyrtimit të saj si të shqyrtuar nga komisionet e mëparshme.