Loris Karius mund të rikthehet te Liverpool që në muajin janar. Marrëveshja e huazimit të portierit te turqit e Besiktas përfundon qershorin e ardhshëm por drejtuesit e klubit nga Stambolli nuk janë të kënaqur nga rendimenti i gjermanit ndaj dhe mendojnë largimin e tij. Loris Karius u transferua te Besiktas në verën e vitit 2018 në një marrëveshje huazimi 2-vjeçar ndërsa klubi turk kishte dhe të drejtën e blerjes së kartonit të tij nga Liverpool. 26-vjecari është vënë në qendër të vëmëndjes shpesh herë më tepër për gafat e tij se sa për paraqitjet pozitive dhe diçka e tillë duket se është arsyeja përse Besiktas kërkon ta rikthejë në Angli.