Besnik Hasi është trajneri i ri i KV Mechelen. Ish-kapiteni i Shqipërisë, që ka drejtuar më parë ekipe si Anderlecht, Legia së Varshavë dhe Olympiacosi, ndër të tjera, ka nënshkruar kontratë me Mechelen deri në fund të sezonit.
51-vjeçari ka drejtuar në Saudi Pro League nga viti 2018 deri në 2022, me ekipe të tilla si Al Raed dhe Al Ahli.
Hasi e njeh shumë mirë futbollin belg, një fakt i rëndësishëm ky për të pasur sukses në krye të Mechelenit. Në vitin 2014, ai fitoi titullin kombëtar dhe Superkupën si trajner i Anderlechtit.
Hasi kishte oferta edhe më të mira ekonomike nga Arabia e Ludogoretsi, por zgjodhi Mechelen për të qenë në futbollin Belg me qëllimin për t’u rikthyer në nivele të larta.
Lexo edhe:
- Gabon dhe promovohet/ Antony Taylor, arbitri që po përçan Anglinë
- Pioli: E prisja këtë reagim nga ekipi, Leao duhet ta shikoj përsëritjen e ndeshjes dhe të kuptojë ndikimin e tij
- Sancho “kokëmushkë”, Ten Hag e heq edhe nga grupi i WhatsApp-it
- Trajneri i “Seleçaos”, për mungesën e Neymarit: Humbje për futbollin brazilian, është gjeni
Besnik Hasi do të takohet në ditët në vijim me grupin e lojtarëve dhe nga e diela do të marrë rolin e trajnerit.
Si lojtar dhe trajner, nuk ka qenë kurrë e lehtë të vija të luaja futboll këtu. Atmosfera është e mrekullueshme. Shpresoj ta ushqej entuziazmin te tifozët me mënyrën time të të luajturit futboll”, – deklaroi Hasi pas zyrtarizimit si trajner i Mechelen.
Mechelen aktualisht renditet në vendin e 14-të në Jupiter Pro League. Impenjimin e radhës e ka këtë fundjave ndaj Charleroi, në shtëpi.
