Në prag të ndeshjes mes Teutës dhe Kukësit, për mikrofonin e emisionit “Gol pas Goli” në Supersport, foli ish mesfushori i njohur durrsak, aktualisht trajner moshash te “Djemtë e detit”, Justin Bespalla.
Si ju duket Teuta e këtij sezoni?
Teuta me lojërat e saj ka arritur të rivalizojë në kampionatin shqiptar, siç kemi bërë edhe ne. Shpresoj që hap pas hapi t’i afrohemi kreut dhe të arrijmë ëndrrën e gjithë durrsakëve, titullin kampion.
A ka talente Teuta tek moshat?
Teuta gjithmonë ka pasur lojtarë dhe talente në gjirin e saj, brez pas brezi. Nëse me këtë brez punohet dhe trajnohen mirë, gjithçka arrihen. Teuta është mbretëresha e futbollit shqiptar, ka nxjerrë gjithmonë talente.
Reparti që çalon?
Për mua, Teuta duhet të përmirësohet më shumë në sulm. I mungon një lojtar goli dhe prandaj është në këto pozita momentalisht. Tani që ka filluar faza e dytë, edhe me afrimet e bëra, them që Teuta do ketë një lojtar goli. Fazën e parë kjo i ka munguar, por te Teuta dominon grupi i skuadrës, dhe jo individët.
