Connect with us

Hi, what are you looking for?

La Liga

Betis barazon rekordin 88-vjeçar, historia tregon se në fund…fiton titullin kampion

La Liga nuk është vetëm Real Madrid, Barcelona apo Atletico Madrid dhe këtë e vërteton Real Betis.

Skuadra e Pellegrinit triumfoi 2-1 ndaj Girona-s në këtë fundjavë duke prekur kuotën e 15 pikëve pas 6 javësh kampionat dhe duke shënuar një rekord për klubin. Skuadra e Betis, pas 88 vitesh dhe për herë të dytë në histori arrin që të marrë 5 fitore në 6 javë dhe të grumbullojë kaq pikë, duke rritur ndjeshëm kreditet se kjo skuadër mund të jetë surpriza më e bukur e këtij sezoni në Spanjë.

Për herë të parë, Betis kishte regjistruar një nisje të tillë në sezonin e largët, 1934-1935 kur skuadra drejtohej nga irlandezi Patrick O’Connell dhe në fund ia doli të triumfonte duke fituar titullin kampion për herë të parë dhe të vetëm.

Në shtëpi, “nxënësit” e Pellegrini-t janë bërë të fortë. Katër ndeshje në “Benito Villamarín”, Betis numëron katër fitore, si askush tjetër, 7 gola të shënuar dhe vetëm 1 i pësuar.

Përpos ecurisë perfekte në kampionat, këtyre shifrave spektakolare u bashkohen edhe dy fitoret e tjera në UEFA Europa League, duke kryesuar grupin C me gjashtë pikë.

Deri më tani, pas 6 javësh kampionat, “Verdes” janë mposhtur vetëm nga Real Madrid në transfertë. Pellegrini disponon një mbrojtja solide, me vetëm katër gola të pësuar në gjashtë ndeshjet e para, me tre ndeshje pa pësuar asnjë gol, por më e rëndësishmja është efikasiteti i qendërsulmuesit të tyre, njeriu lider i skuadrës, Borja Iglesias, i cili së fundmi ka marrë ftesën edhe nga përfaqësuesja spanjolle, pasi çdo top që prek e kthen në gol, me 6 gola në 6 javë.

Tani, pas pauzës së kampionatit, Real Betis do të luajë në transfertën e Celta Vigo-s, ndërsa qëndron tre pikë pas Real Madrid dhe një pas Barcelonës.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...