Lirim Kastrati është larguar nga Legia e Varshavës. Sulmuesi i përfaqësueses së Kosovës (17 ndeshje dhe 1 gol me dardanët) ka firmosur një kontratë 3-vjeçare me klubin hungarez të MOL Fehervar.
23-vjeçari u ble verën e kaluar nga klubi polak, që pagoi 1.3 milionë euro te Dinamo e Zagrebit, por Kastrati e mbylli aventurën me Legian me vetëm dy gola të shënuar.
Sulmuesi i djathtë është gati për të nisur aventurën e re, teksa shpjegoi pse zgjodhi hungarezët e MOL Fehervar. “Disa klube më kontaktuan gjatë verës, por MOL ishte alternativa më e mirë.
Unë fola me drejtorin sportiv Istvan Salloi dhe trajnerin Michael Boris, të dy donin që unë të transferohesha në Szekesfehervar. Ndjenja e besimit është një nga gjërat më të rëndësishme për një futbollist. Bisedova edhe me ish-shokun e skuadrës Myrto Uzuni, i cili më foli për futbollin hungarez dhe ekipin.
Kalimi këtu është një mundësi e mirë për mua të tregoj vlerat e mia dhe të rikthehem në përfaqësuese. Kam besim se do të ndihmoj ekipin me paraqitje të mirë, gola dhe asiste”, deklaroi Kastrati, për të cilin kishte interesim edhe nga AEK-u i Athinës, Rijeka dhe Racing Santander.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
