Bie Prishtina, fiton Llapi në Superligën e Kosovës. Kampionët në fuqi u mposhtën 2-1 në Malishevë. Të tre golat u realizuan në çerekorëshin e fundit të ndeshjes. Mërgim Pefqeli dhe Ilir Mustafa shënuan golat për vendasit, ndërsa Besnik Krasniqi gjeti golin e nderit për bardhekaltrit në minutat shtesë.
Tre pikë të rëndësishme për objektivin mbijetesë të Malishevës, teksa ekipi kryeqytetas mbetet forcë e pestë e kampionatit dardan. Llapi vijoi formën e mirë që pati edhe në fundin e vitit të kaluar.
Skuadra nga Podujeva, që siguroi në mesjavë edhe kualifikimin në çerekfinalet e Kupës, fitoi 2-0 kundër Ulpianës. Alban Shillova kaloi vendasit në avantazh në minutat e para të pjesës së dytë, teksa suksesi i Llapit u vulos nga një autogol i Ulpianës.
Fitorja e sotme e ka ngjitur Llapin në kuotën e 32 pikëve, pesë më pak se Drita kryesuese. Ulpiana ndan vendin e parafundit me Dukagjinin.
BKT Superliga, Kosovë
Malisheva-Prishtina 2-1
Llapi-Ulpiana 2-0
[quiz-cat id=”288388″]
