Thomas Tuchel është shumë i gëzuar për blerjen e Kalidou Koulibaly. Chelsea do të paguajë rreth 40 milionë euro te Napoli, ndërkohë që kapiteni i Senegalit ka firmosur një kontratë 5-vjeçare me pagë 10 milionë euro neto në sezon.
31-vjeçari do të përforcojë një repart që është dobësuar pas largimeve të Tono Rudiger (Real Madrid) dhe Andreas Christensen (Barcelona). Gjatë komentit të tij për Koulibaly, Tuchel tregon edhe pikat më të forta të qendërmbrojtësit afrikan.
“Jam shumë i lumtur që ai ka nënshkruar dhe tashmë i është bashkuar grupit tonë. Koulibaly është një blerje e shkëlqyer, ai është njeriu që po kërkonim për të përforcuar mbrojtjen.
Bëhet fjalë për një futbollist me personalitet të madh, i cili ka një përvojë të madhe. Nga këndvështrimi ynë, Koulibaly është një vlerë e shtuar për ekipin”, deklaroi trajneri gjerman i skuadrës londineze.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?