Jeremie Boga vazhdon të jetë në vëmendjen e shumë klubeve të mëdha europiane, të cilët kanë shfaqur interesimin e tyre për futbollistin. Mes klubeve që kërkojnë talentin e Sassuolos është edhe Rennes. Trajneri i francezëve, Julien Stephane gjatë një interviste konfirmoi se 23-vjeçari është objektivi i tyre kryesor për përforcimin e skuadrës. Ai deklaroi se Boga vjen nga një sezon shumë i mirë me Sassuolon dhe se ai është një nga alternativat për sulmin. Stephane theksoi gjithashtu se për të arritur te futbollisti do të jetë e vështirë pasi konkurrenca nga klubet e mëdha është e fortë.