Ish-sulmuesi brazilian, Julio Baptista, i cili u tërhoq nga futbolli katër vite më parë pasi kishte luajtur me skuadra si Real Madrid, Arsenal, Roma dhe Sevilla, ka një këshillë për Neymarin.
41-vjeçari i sugjeron bashkëpatriotit të tij të largohet nga Paris Saint Germain, skuadër me të cilën luan prej vitit 2017. Duke theksuar se sulmuesi i kombëtares braziliane duhet të transferohet tek Arsenali.
“Unë mendoj se Neymar është rehat te PSG-ja, por ndoshta lëvizja më e mirë për të do të ishte krijimi i një atmosfere të re në një klub të ri. Që do e mbështeste dhe do i dhuronte besimin që i nevojitet.
Lexo edhe:
- VIDEO/ Fitorja e 10-të radhazi, Hysës i mjaftojnë katër raunde ndaj rivalit argjentinas
- “Mos thuaj kurrë forca Juve”/ Tifozët e ngacmojnë për bardhezinjtë, Lukaku jep përgjigjen e prerë
- Plas grushti tek ekipi i Sampaolit, sulmuesi i Brazilit goditet nga trajneri i tij
- Klubi dardan në “udhëkryq”, presidenti largohet përfundimisht
Ai nuk e ka këtë te PSG-ja. Tifozët nuk e pëlqejnë dhe ndoshta ka ardhur koha që Neymari të vazhdojë përpara dhe të provojë diçka ndryshe.
Pse të mos shkojë tek Arsenali? Është një nga klubet më të mira në Europë. Të gjithë e dimë se në 8 vitet e fundit apo më shumë, ata nuk kanë dhënë më të mirën.
Dhe nuk kanë qenë shumë konkurrues. Mendoj se do të ishte mirë për të dy palët: Neymarin dhe Arsenalin”, deklaroi ish-mesfushori ofensiv.
Autor i 47 ndeshjeve dhe 5 golave me kombëtaren Seleçao. Baptista ishte pjesë e skuadrës londineze në sezonin 2006/2007.
