Pas humbjes së thellë 4-1 në transfertën e mesjavës së kaluar në Bergamo, ku pësuan të 4 golat brenda 15 minutash, Bologna u rikthye sot te suksesi.
Emilianët e drejtuar nga Sinisa Mihajloviç, arritën të mposhtnin Chievon me rezultatin 3-0, në sfidën e fundit të javës së 31-të të kampionatit italian.
Të tre golat për Bolognën u shënuan në pjesën e dytë, teksa pas dopietës së mesfushorit Pulgar, rezultatin e vulosi mbrojtësi i majtë Dijks.
Duke shfrytëzuar edhe hapin fals të Empolit, që humbi në fundjavë, Bologna doli momentalisht nga zona e rënies, ndonëse gara vijon të jetë e ashpër deri në fund të sezonit.
