Mbrëmja e së Martës rezultoi një nga më të papriturat në NBA ku u regjistruan dy lëvizjet më të mëdha brenda ak orëve. Kyrie Irving transferohet në Boston, ndërsa Isaiah Thomas në Cleveland. Një lëvizje e zgjuar nga ana e dy klubeve të Lindjes që gjithsesi arrijnë të ruajnë kuotat e tyre në këtë konferencë duke mos humbur shumë nga fuqia e tyre sepse nënkampionët nga Ohio e zëvendësojnë menjëherë Irving me një tjetër emër me peshë, ndërsa Boston hedh kandidaturën për të synuar titullin kampion. Në këtë mënyrë, Cavs ruajnë pothuajse të paprekur organikën për të paktën edhe një sezon edhe pse vitin e ardhshëm me shumë mundësi, LeBron James do t’i japë lamtumirën ekipit të zemrës. Në datën 21 Korrik, Irving i kishtë kërkuar Cleveland largimin për t’iu shmangur hijes që James krijon tek ky ekip. Me transferimin e tij te Boston, ai do të përfitojë plot 40 milionë për dy vjet dhe ka një opsion për zgjatjen e kontratës edhe në sezonin 2019-2020. Në krahun tjetër, Thomas do të arkëtojë te Cleveland 6-3 milionë në sezon. Me afrimin e Irving, Boston fiton shumë terren në Lindje nëse llogaritet edhe transferimi i Hayëard pak muaj më parë. Në këtë mënyrë, trajneri Stevens duhet të ndërtojë një skuadër të frikshme me dyshen në fjalë por edhe me Al Horford, Jaylen Broën e Marcus Morris. Një tjetër avantazh për Celtics është fakti që nuk e humbën Jayson Tatum. Në krahun tjetër, Thomas duket një zgjedhje logjike për skuadrën nga Ohio që limiton në maksimum dëmet pas largimit të Irving. Thomas është lojtari i 5 më i mirë i sezonit të kaluar por gjithsesi duket i pamjaftueshëm për të ngushtuar diferencat ende të mëdha mes Cleveland dhe kampionëve të Golden State.
