Përforcim në sulm për Benfikën. “Shqiponjat e Lisbonës” kanë zyrtarizuar blerjen e Casper Tengstedt nga Rosenborg për 7 milionë euro, shumë që mund të shkojë në 12 milionë euro me bonuse.
22-vjeçari danez numëron 15 gola në 14 ndeshje të zhvilluara me skuadrën norvegjeze. Qendërsulmuesi nga Danimarka ka firmosur deri në vitin 2028 me rekordmenët e futbollit portugez.
“Më pëlqen shumë stili i lojës së Benfikës. Do të përpiqem të ndihmoj skuadrën që të fitojmë kampionatin”, deklaroi Tengstedt pas firmës mbi kontratë.
Benfika kryeson kampionatin me 40 pikë, gjashtë më shumë se Braga. Skuadra e Roger Schmidt garon edhe në Champions League, kompeticion ku do të sfidojë belgët e Club Brugge për një biletë në çerekfinale.
