Vazhdon momenti jo për Leonardo Bonuccin që nga periudha që është bërë pjesë e Milanit. Goditja me bryll që i dha kundërshtarit të tij Rosi në sfidën ndaj Genoas do t’i kushtojë rëndë mbrojtësit të kombëtares italiane i cili sipas të gjitha gjasave do të humbasë duelin e fundjavës së ardhshme ndaj ish skuadrës së tij Juventusit. Seria A do të zhvillojë javën e 10-t në mesjavë dhe fundjavën e ardhshme është në program raundi i 11-të që sjell në skenë superpërballjen Milan-Juventus. Por për Bonuccin nuk do të ketë një përballje si ish pasi gjykatësi sportiv për gjestin ndaj Rossit do ta skualifikojë minimalisht me 2 ndeshje 30-vjeçarin.
