Pas një eksperience si ndihmës i Roberto Martinezit te kombëtarja belge, Thierry Henry është tashmë gati për të drejtuar vetë një skuadër futbolli.
Ish sulmuesi i njohur francez do të nisë karrierën si trajner i parë pikërisht nga Ligue 1, pasi do të marrë drejtimin e Bordeaux.
Marrëveshja mes palëve është arritur tashmë dhe nga ora në orë pritet që ish sulmuesi i Arsenalit dhe kombëtares franceze, të bëjë edhe prezantimin zyrtar.
Kujtojmë që javën e kaluar Bordeaux shkarkoi trajnerin Gustavo Poyet, pasi ky i fundit kishte kritikuar publikisht drejtuesit e klubit, në lidhje me disa zgjedhje të merkatos.