Ndeshja mes Ferizajt dhe Llapit, e vlefshme për javën e 20-të të IPKO Superligës së Kosovës dhe e programuar për të nisur këtë të premte, në orën 13:00, është shtyrë për shkak të kushteve atmosferike.
Gjyqtari kryesor i ndeshjes, Gramos Shala, dhe dy kapitenët e skuadrave kanë marrë vendim që ndeshja të mos zhvillohet për shkak të erës së fortë dhe terrenit të rënduar nga reshjet e dëborës.
Federata e Futbollit të Kosovës, si organizatore e garës, pas konsultimit me klubet, vendosi që ky takim të zhvillohet nesër, në të njëjtën orë (13:00)
