Beqari më i regjur i futbollit italian, Marco Borriello, ka gjetur një bukuroshe të re për të mbushur zemrën. Ndoshta këtë radhë nuk do të jetë një histori kalimtare. Modelja Sofia Resing mund të jetë e duhura për të krijuar një familje. Të dy janë pikasur mbi një varkë këto ditë të nxehta vere.
Është herët për të folur se sa serioze do të jetë kjo lidhje, por mediet rozë në Itali shkruajnë se djaloshi romantik i futbollit italian ka rënë kokë e këmbë në dashuri.
Kohët e fundit, Borriello i është dedikuar biznesit, por tani po mendon më shumë për jetën sentimentale. Partnerja e tij e re, Sofia Resing, përveçse modele është edhe sipërmarrëse e një marke të njohur kostumesh (ndër më të kërkuarat në botë). Marco Borriello ka bërë një “goditje Championsi”.
