E ardhmja e Rade Krunic është larg ngjyrave kuqezi. Mesfushori, i cili u transferua te Milani gjatë merkatos së verës së kaluar, nuk ka arritur të bindë drejtuesit e klubit, të cilët kanë vendosur ta nxjerrin në merkato 26-vjeçarin.
Boshnjaku këtë sezon është aktivizuar vetëm 15 herë me fanellën kuqezi, pa mundur të shënojë qoftë një gol. Klubi i interesuar për shërbimet e futbollistit është Torino, që po kërkon përforcime për mesin e fushës për sezonin e ardhshëm.
Milani është gati ta lërë të lirë futbollistin për shumën e 7-8 milionë eurove, që konsiderohet e pranueshme nga klubi “granata”, që pritet të nisë bisedimet me klubin nga “Milanello”.