Connect with us

Hi, what are you looking for?

Lajme

Botërori 2018, në Rusi sistem Var edhe për mjekët

Sistemi Var nuk do të jetë vetëm në dispozicion të arbitrave. Duke nisur prej Botërorit 2018 në Rusi, ai do të përhapet edhe për mjekët. Zyrtarizimi i vendimit pritet të bëhet më 3 mars, ndërsa të gjitha përfaqësueset pjesëmarrëse do të kenë një doktor që do ta ndjekë garën në monitor dhe do të ketë mundësi që të rishohë duelet e lojës, për të vlerësuar në kohë rekord shkallën e dëmtimit.

Konfirmimi u dha nga presidenti i komisionit mjekësor të FIFA-s, Michel D’Hooghe, sipas të cilit mundësia për të bërë një diagnozë të menjëhershme mund të jetë shumë e vlefshme, mbi të gjitha në rastet e përplasjeve në kokë.

Prezantimi i risisë në futboll është bërë gjatë Workshop-it që FIFA po zhvillon në Sochi, në të cilin kanë marrë pjesë përfaqësues të të gjitha skuadrave të kualifikuara në fazën finale të Kupës së Botës. Vëzhgimi me detaje i përplasjeve nëpërmjet imazheve filmike mund t’i ndihmojë mjekët nëse një futbollist mund të qëndrojë apo jo në fushë.

Sistemi i ri do të quhet “Video Assistant Replay Medical” dhe do të frymëzohet nga modeli i ragbi-t, sport në të cilin u përdor pas shumëfishimit të tronditjeve të sportistëve në kokë, shpejtësisë së aksioneve dhe intensitetit të përplasjeve. Përdorimi i imazheve video i erdhi në ndihmë jo vetëm arbitrave, por edhe stafit mjekësor të skuadrave.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...