Tjetër barazim zhgënjyes për Manchester United, këtë herë 2-2 brenda në “Old Trafford” me Burnley. “Djajtë e Kuq” pësuan gol që në minutën e tretë me autor Barnes, ndërsa në të 36-ën Defour realizoi të dytin me një ekzekutim fantastik të një goditjeje të lirë, me miqtë që shkuan në dhomat e zhveshjes me avantazh të dyfishtë. Në pjesën e dytë, pas shumë përpjekjesh, United shkurtoi diferencën me Lingard, që tregoi klasin e tij me një devijim me finte. I njëjti autor shmangu turpin për “Djajtë e Kuq” me golin e e barazimit në minutat shtesë, pas një rrëmuje në zonë.
Goli i Alvaro Moratas me kokë në fillim të pjesës së dytë rezultoi shumë i rëndësishëm për t’i dhënë tri pikë Chelsea-t përballë Brighton në “Stamford Bridge”. Gjithsesi, blutë e Londrës i çuan shifrat në 2-0 në të 61-ën me Marco Alonson. Më këtë sukses, skuadra e Contes shkon në kuotën e 42 pikëve, një më pak se Manchester United.
Në takimet e tjera Bournemouth barazoi 3-3 me West Ham, Huddersfield – Stoke City u mbyll 1-1, Watfordi iu imponua 2-1 Leicester City-t, ndërsa West Brom – Everton u mbyll pa gola.
Premier League, Java 20
Tottenham – Southampton 5-2
Bournemouth – West Ham 3-3
Chelsea – Brighton 2-0
Huddersfield – Stoke 1-1
Manchester United – Burnley 2-2
Watford – Leicester 2-1
West Brom – Everton 0-0
