Connect with us

Hi, what are you looking for?

Lajme

Brazil-Bolivi ngre siparin e edicionit të 46 të Kupës së Amerikës

Nesër në orët e para të mëngjesit, saktësisht në 02:15 (ora lokale shqiptare) do të startojë edhe edicioni i 46 i Copa Americas, një kompeticion i organizuar nga institucioni drejtues i futbollit në Amerikën Latine, CONMEBOL.

Brazili është vendi mikpritës i këtij kompeticioni që do të hapet pikërisht me sfidën mes “Selecao”-s dhe Bolivisë, ndërsa të 26 takimet e këtij kampionati do të transmetohen live në Supersport, për të gjithë shqiptarët.

Ky edicion është i fundit i organizuar në vit tek dhe në mënyrë të çrregullt, pasi që nga viti i ardhshëm, Copa America do të organizohet çdo katër vite, në të njëjtën kohë me Kampionatin Europian.

Në Copa America marrin pjesë 12 ekipe, ku 10 janë përfaqësueset e Amerikës Latine dhe dy të tjerat plotësohen me ftesa nga Amerika e Veriut ose Azia, teksa në këtë edicion, të përzgjedhurat janë Japonia dhe Katari.

Të 12 ekipet janë ndarë në 3 grupe me nga 4 skuadra, të cilat do të përballen me njëra-tjetrën dhe në fazën çerekfinale do të kualifikohen dy të parat e çdo grupi, plus dy të tretat më të mira. Vlen të theksohet se në çerekfinale nuk mund të përplasen skuadra që kanë dalë nga i njëjti grup.

Edicioni i 47 i Copa Americas do të kulmojë mbrëmjen e 7 korrikut me finalen e madhe, që do të startojë nga ora 22:00, në stadiumin legjendar brazilian “Maracana”. Këtë vit, skuadrat favorite për të triumfuar janë Brazili e Argjentina, ndërsa nuk mbetet pas as Uruguai, që vjen pas një Botërori mjaft interesant në “Rusi 2018”.

Këta të fundit ia kanë dalë të fitojnë plot 15 herë këtë kompeticion, më shumë se çdo ekip tjetër, ndërsa pas tyre vijnë Argjentina me 14 triumfe dhe Brazili me 8.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...