Miqesore

Brazili i frikshëm, ndaj Austrisë shënojnë tre fantastikët

Brazili dhuron spektakël vetëm një javë nga debutimi në Botëror në ndeshjen ndaj Zvicrës. 5-herë kampionët e Botës mposhtën lehtësisht me rezultatin 3-0 Austrinë në miqësoren e fundit përpara udhëtimit për në Rusi. Në stadiumin Ernst Happel të Vjenës ndeshja u dominua nga Seleçao që u vu në vështirësi nga austriakët vetëm në minutat e para sepse më pas Neymar me shokë ishin thjeshtë të papërmbajshëm duke e kthyer në një tabelë qitjeje portën e Lindner. Një prove force kjo e Brazilit ndaj një Austrie që vetëm pak ditë më parë kishte mposhtur kampionët në fuqi të Botës, Gjermaninë në miqësore. Pas suksesit 2-0 ndaj Kroacisë, skuadra e Tites regjistroi një tjetër ndeshje pa pësuar gol teksa është ndëshkuar vetëm 2 herë në një 11 sfidat e fundit duke treguar se në prapavijë është e pakalueshme. Sfida u zhbllokua nga Gabriel Jesus në minutën e  36-të ndërsa Neymar me një supergol dhe Coutinho me një tjetër gol të bukur në minutat 63 dhe 69 vulosën suksesin e Brazilit, në një ndeshje ku shënuan të tre fantastikët dhe ku Seleçao tregoi se është favoritja e madhe për të triumfuar në Rusi 2018. Neymar ndërkohë shënoi golin e 55-të me fanellën e Brazilit, duke barazuar Romarion, me sulmuesin e PSG që tashmë është vetëm 7 gola larg fenomenit Ronaldo.

To Top