Raphinha ishte protagonist në barazimin 2-2 të Barcelonës përballë Manchester United. Sulmuesi brazilian regjistroi gol dhe asist në duelin e Europa League.
Gjithsesi, Xavi e zëvendësoi në minutën e 83’ me Ferran Torres dhe Raphinha nuk e priti aspak mirë vendimin e trajnerit të tij. Por, një gjë e tillë është normale për teknikun e Barçës.
“Edhe unë zemërohesha kur më zëvendësonin, por vendimet i marr për të mirën e skuadrës. Inatosja e Raphinhës është normale. Ai më kërkoi falje për gjestin e tij.
Nuk e shoh si diçka negative zemërimin e tij”, u shpreh trajneri i Barcelonës. Skuadra katalanase kryeson La Liga-n me tetë pikë më shumë se Reali i Madridit.