Thomas Brdaric mund të konsiderohet si nga ata trajnerë të huaj që ia kanë dalë të spikasin në Shqipëri, teksa kroato-gjermani ka bërë një punë të madhe me Vllazninë, duke e shndërruar në një ekip pretendent për vendet më të larta të klasifikimit në Abissnet Superiore.
Marrëdhënia mes drejtuesve apo tifozave shkodranë me trajnerin Brdariç është e shkëlqyer, megjithatë ka një aspekt të cilin 46-vjeçari nuk mund të qëndrojë pa e thënë me zë të lartë.
Terreni optimal që mungon për stërvitjen e skuadrës, teksa këtë pjesë, Brdaric e ka rrëfyer edhe në Gjermani. Brdariç ka treguar se ekipi i tij stërvitet në pyll dhe i duhet shpeshherë që futbollistët e huaj të mos e përdorin këtë fakt si justifikim për paraqitjet e dobëta.
“Pas një fitoreje edhe ushqimi të shijon më shumë. Nëse ia del të kualifikosh një skuadër në Europë në një formë surprize pasi askush nuk e priste, atëherë kjo të bën shumë krenar. Kur vendosa të merrja detyrën te Vllaznia mendova se ishte një mundësi shumë e mirë dhe sfiduese. Kur shkon në Shqipëri e kupton menjëherë se sa vend i bukur është, por më mungojnë pak kushtet optimale të stërvitjes. Ne stërvitemi në pyll apo në ndonjë livadh, pasi terrenet janë ende duke u rikonstrukturuar.
Shqiptarët janë pak mbrapa kur vjen puna te terrenet stërvitore. Duhet të tregohem i kujdesshëm me futbollistët e huaj që të mos e përdorin këtë pjesën e terreneve si justifikim për paraqitjen e dobët. Megjithatë, stadium përmbush të gjitha nevojat dhe është një impiant vërtet europian, nuk shkon me standartet europiane, pasi ndodh ndonjëherë të luajmë edhe nëpër qytete të vogla”, tha Brdaric.
