Me shumë se për fitoren goli i dytë ndaj Lushnjës i vlejti Dejvi Bregut për t’u zhbllokuar para portës, sepse kishte shumë javë pa shënuar. Sulmuesi i ri vlonjat në “Gol pas Goli” u shpreh se Luftëtari duhet t’i vrasë më shpejt ndeshjet.
Bregu si ndiheni pas këtij goli të parë të shënuar për 2018-ën?
Më vjen mirë që shënova, sepse kam bërë volum loje dhe nuk po gjeja golin. Është shumë e rëndësishme për mua. Duhet t’i vrasim më shpejt ndeshjet, se i kemi krijuar rastet. Duhet të jemi më të sigurtë dhe të administrojmë më mirë lojën.
Ku do të luani sezonin e ardhshëm?
Fati im do të vendoset në maj, këtë e di menaxheri im. Shpresoj që të bëj sa më shumë gola dhe të luaj sa më mirë deri në fund.
Pse nuk po e zgjidh më shpejt Luftëtari ndeshjen?
Ndonjëherë jemi naivë. Gjatë javës do të punojmë më shumë në këtë aspekt. Nuk duhet të lesojmë hapësira pas.
Kishit kohë që e kishit përgatitur bluzën me dedikimin për mamanë tuaj?
Bluzën e kam përgatitur që në ndeshjen me Kukësin, por s’e shënova në atë ndeshje golin por sot. Besoj më ka ndjekur nga televizori.