Një kundërlëvizje e zgjuar dhe fituese. Kështu e kanë etiketuar mediat britanike vendimin e manjatit rus, Roman Abramovich, pronar i skuadrës së Chelsea-t në Premier League, për të marrë nënshtesësinë izraelite si rezident në Tel Aviv, duke shfrytëzuar origjinën e tij hebreje dhe Ligjin e Kthimit në Izrael. Me këtë status të ri, Abramovich nuk do të ketë nevojë për t’u pajisur me vizë për të udhëtuar drejt Britanisë së Madhe. Madje si izraelit atij i lejohet të qëndrojë për gjashtë muaj në Angli për çdo udhëtim, për turizëm apo biznes.
Vonesa e dhënies së vizës për të udhëtuar nga Rusia në Angli, e interpretuar edhe si një mesazh i Londrës për Kremlinin dhe për të gjithë oligarkët rusë pranë Vladimir Putinit në vijimësi të akuzave për rastin “Skripal”, e ka detyruar presidentin e Chelsea-t të “zhvendoset” në Izrael.
Nënshtetësia izraelite nuk e detyron Roman Abramovichin të heqë dorë nga pasaporta ruse.
