Armando Broja është shndërruar në titullar të padiskutueshëm te Vitesse, pasi edhe sot ndaj FC Emmen e nisi sfidën nga minuta e parë dhe arriti të fitojë një 11-metërsh që në minutën e 9’, pasi portieri kundërshtar e ndali me faull.
Penalltinë e ekzekutoi saktë Tannane, i cili shënoi dy herë në sfidën e sotme, ndërsa më pasi ishte Openda që vulosi suksesin 3-1 të Vitesses, me Brojën që qëndroi në fushë për më tepër se një orë lojë.
Kjo ishte fitorja e 7 në 8 ndeshje kampionat për Vitessen, që është në krye bashkë me Ajaxin, pasi të dyja kanë marrë nga 21 pikë në këto javë të para të Eredivise.