Futbollisti i Skënderbeut, Bruno Dita, në lidhje me “Gol pas Goli” e pranoi se e “turbullon” interesimi i Tiranës për të. Duke folur për ndeshje, theksoi se Skënderbeu vihet në presion kur është favorit.
Nga Partizani te vuajtja ndaj Flamurtarit: Do të thosha që në ndeshjet ku jem i favoritë, kemi presion për të kaluar në avantazh, futemi shumë në presion duke qenë se kemi dhe shumë të rinj në ekip. Kështu që fitojmë me vështirësi.
Nisja e vitit me dy fitore: Kemi bërë një start të mirë, por nuk është ky i sotmi Skënderbeu që presin të gjithë. Është Skënderbeu ndaj Partizanit ai që duan të shohin të gjithë. Ajo sfidë duhet të mbetet në mendjen tonë dhe të vazhdojmë ashtu.
Reagimi i tepruar ndaj Partizanit: E kam tepruar, e kam zgjatur shumë, por isha me te drejtën time. Nuk e di si e dha arbitri atë penallti.
Dita te Tirana? Është kohë merkatoje dhe ka lajme të tilla. Si tirons që jam normalisht që më “turbullon” Tirana.
Roli në fushë: Jam i gatshëm të jap maksimumin, kudo që më vendos trajneri. Nuk jam nga ata që kënaqem me pak.
