Pas një viti në Francë me fanellën e Paris Saint Germain, Gigi Buffon u rikthye në Itali te Juventusi për të bërë zëvendësuesin e parë të portierit Szczesny, ndërsa në sfidën e sotme me Veronën, u preferua titullar nga Sarri.
Me këtë ndeshje, Buffon barazoi rekordin e Paolo Maldinit, duke luajtur plot 902 ndeshje me klube, aq sa ka luajtur edhe ish kapiteni i Milanit, që tani e ka lënë futbollin dhe shërben si drejtues te kuqezinjtë.
Në moshën 41-vjeçare, tashmë Buffon synon të thyejë arrijë një tjetër rekord të Maldinit, atë të ndeshjeve të luajtura në Serinë A, ku gardiani italian numëron 640 ndeshje, 7 më pak se ish kapiteni i Milanit.
Deri në fund të sezonit kanë mbetur edhe 34 ndeshje për t’u luajtur, ndaj Sarri pritet t’i japë shpesh herë mundësinë Buffon të luajë në ndeshjet e Serisë A, për të kaluar rekordin e Maldinit.