Gianluigi Buffon ka filluar që sot aventurën e tij në Ligue 1, pasi ka mbërritur sot në kryeqytetin francez dhe ka kryer vizitat mjekësore.
Mediat franceze raportojnë se çdo gjë ka shkuar me sukses, ndërsa legjenda italiane e portës ka arritur të nënshkruajë edhe kontratën e re me klubin.Buffon ka firmosur për 1 vit me kampionët e Francës me opsion rinovimi edhe për një tjetër sezon.
Paris Saint Germanin ndërkohë ka njoftuar se prezantimi zyrtari Buffon në klubin francez, do të bëhet ditën e hënë, kur edhe do të startojnë përgatitjet e skuadrës për sezonin e ardhshëm, nën drejtimin e trajnerit Tuchel.
Gianluigi Buffon vendosi të largohet këtë fundsezoni nga Juventusi, ku kaloi një periudhë vërtetë të artë, duke fituar thuajse gjithçka në Itali.
