Bujar Idrizi është lojtari më i ri i Llapit. Idrizi i rikthehet te skuadra na Podujeva për herë të tretë, pasi ishte pjesë e klubit gjatë stinoreve 2013/14 dhe 2016/17.
26-vjeçari, i lindur më 11.12.1991 në Podujevë, luan mbrojtës i krahut dhe qendërmbrojtës. Si futbollist e nisi tek Hysi, ku i kaloj kategoritë e reja dhe u bë pjesë e ekipit të parë, e pas shuarjes së Hysit iu bashkua Llapit për 6 muaj. Më pas luajti për një edicion për skuadrat e Trepçës dhe Trepçës’89. Ai iu rikthye Llapit gjatë edicionit 2016/17, ku kaloi një stinor fantastik, që u ra në sy drejtuesve të Kukësit, ku nënshkroi për 1 vit.
Pasi nuk arriti akordin me Kukësin, Bujari e pa të arsyeshme t’i rikthehet edhe një herë vendlindjes dhe klubit të zemrës, Lapit drejt arritjes së synimeve të këtij edicioni së bashku me lojtarët tjerë.