DEKLARATË PËR SHTYP
Frankfurt, Gjermani, 14 Qershor 2021
Firmoset marrëveshja.
DigitAlb fiton të drejtat ekskluzive të transmetimeve të Bundesligës në Shqipëri dhe Kosovë, për katër vitet e ardhshme.
- DigitAlb ka arritur të sigurojë të drejtat e transmetimit të Bundesliga dhe Bundesliga 2 nga nisja e sezonit futbollistik 2021.
- Do të transmetojë më tepër se 300 ndeshje të dy kampionateve më të mira Gjermane.
- Si pjesë e marrëveshjes, DigitAlb gëzon gjithashtu të drejtën e transmetimit të Superkupës Gjermane dhe ndeshjeve të PlayOff.
DigitAlb do të jetë shtëpia e Bundesligës dhe Bundesligës 2 për Shqipërinë e Kosovën pas marrëveshjes katërvjeçare të firmosur me Bundesliga International, pjese e DFL (Liges Gjermane të Futbollit).
Kjo marrëveshje i jep “DigitAlb” të drejtat ekskluzive për të transmetuar drejtpërdrejt të gjtha ndeshjet e Bundesliga dhe Bundesliga 2. Shikuesit do të kenë mundësinë të ndjekin një nga ligat më emocionuese të Europës. Në marrëvjeshje përfshihet transmetimi i drejtpërdrejtë i Superkupës Gjermane, që këtë vit do të luhet mes Borussia Dortmund dhe FC Bayern München, më 17 Gusht, por edhe të gjitha ndeshjet e rëndësishme të playoff, të cilat zhvillohen në përfundim të çdo sezoni futbollistik.
DigitAlb do të transmetojë gjithashtu programe të tjera ekskluzive të Bundesligës si: “Bundesliga Highlights Show” dhe “Bundesliga Weekly” në mënyrë që tifozët në Shqipëri e Kosovë, të jenë të azhurnuar me të rejat e fundit të futbollit Gjerman.
CEO ndërkombëtar i Bundesliges Robert Klein tha:
“DigitAlb ka transmetuar ndeshjet e Bundesligës për disa sezone, e ne jemi tepër të kënaqur qe arritëm këtë marrëveshje dhe që do të punojmë direkt me ta për katër vitet e ardhshme. Së bashku kemi synimin që të argëtojmë tifozët e futbollit gjerman në Shqipëri e Kosovë me ndeshjet e klasit të parë që ofron kampionati ynë.”
CEO i Digitalb Z. Altin Petre u shpreh :
“Jemi të kënaqur që do të vazhdojmë përvojën fantastike të transmetimit të Bundesligës, tashmë të licensuar drejtpërdrejt prej tyre. Kemi besimin se do të rrisim ndjeshëm cilësinë e transmetimit në platformën tonë.”
DigitAlb është platforma më e madhe Shqiptare, me 7 kanale HD të dedikuara për sportin.
Prej vitesh janë shfaqur ndeshjet e Bundesligës si pjesë e marrëveshjeve nënkontraktore, por kjo është hera e parë që DigitAlb zotëron të drejtat ekskluzive nga Bundesliga për transmetimin e saj në vend.