Burnley vijon të konfirmohet si surpriza e Premier League-s, në këtë sezon. Në mbrëmjen e sotme, ata kanë mposhtur 1-0 Newcastle-n, në ndeshjen e fundit të javës së 10, të kampionatit anglez.
Takimi u vendos në minutën e 74-t, kur Hendrick shënoi golin e vetëm të ndeshjes, atë që I dha 3 pikët vendasve. Kështu Burnley, pasi u ka hapur probleme disa prej ekipeve kryesuese, ka kaluar edhe pengesën Newcastle, duke shkuar në kuotën e 16 pikëve, po aq s aka edhe Liverpool i vendit të 6.
Pas 10 javësh të luajtura, Premier League kryesohet nga Manchester City me 28 pikë, e ndjekur nga United-i i Mourinhos me 23 dhe Tottenham me 20.
