Connect with us

Hi, what are you looking for?

Futboll

Bushi: Manaj jashtë forme, luajmë si me Estoninë

21 futbollistë të grumbulluar për dy sfidat e rradhës kualifikuese të kombëtares Shpresa të Shqipërisë për Europianin e vitit 2019 ndaj Irlandës së Veriut dhe Islandës. Pak risi në listën e përzgjedhur nga trajneri Alban Bushi, ku spikat edhe njëherë tjetër mungesa e sulmuesit Rey Manaj, ndërkohë që janë grumbulluar lojtarë të rëndësishëm si Keidi Bare, Qazim Laci, Endri Cekici, Albi Doka e Fiorin Durmishaj. Barazimi pa gola me Estoninë në Elbasan Arena në ndeshjen e parë të grupit la një shije të hidhur, por Bushi ka bindjen se nëse skuadra luan si në atë takim edhe në dy ndeshjet e rradhës fitoret do të vinë.

” Mendoj që në futboll është mirë të krijosh raste sepse nëse i krijon dhe nuk shënon goli do të vijë, por nëse nuk krijon raste, ai është një problem i madh, nëse skuadra ime luan si ndaj Estonisë dhe nuk fiton unë prap do të jem shumë i kënaqur pasi objektivi ynë është të përgatisim sa më shumë lojtarë për kombëtaren e madhe”.

Ish sulmuesi i ekipit përfaqësues shpjegoi edhe arsyet se përse nuk ka grumbulluar sërish sulmuesin Rey Manaj, ndërsa shprehu edhe shqetësimin e tij që shumë nga lojtarët që janë pjesë e përfaqësues së 21-vjecarëve në këtë grumbullim nuk kanë luajtur ndeshje zyrtare me klubet e tyre.

” Manaj nuk është pjesë e këtij grumbullimi sepse ka pak minuta dhe për këtë arsye nuk e kam grumbulluar, por ai është pjesë e përfaqësues Shpresa dhe e ekipit të parë. Më vjen mirë që Durmishaj ka shënuar dhe po luan, dua që të gjithë lojtarët e ekipit tim të luajnë në skuadrat e tyre. Megjithatë janë shumë pak futbollistët që kanë minuta në këmbë me klubet e tyre ata janë vetëm, Hebaj, Laci e Ramadani ndërsa të tjerët kanë vetëm fazë përgatitore”.

Keidi Bare është një futbollistët më të rëndëisshëm të ekipit Shpresa ndërkohë që është edhe kapiten i skuadrës. Shumë shpejt mesfushori i Atleticos së Madridit mund të jetë pjesë e kombëtares së madhe, por nëse kjo ndodh për Bushin sdo të kishte asnjë lloj problemi.

” Unë dua që Bare të bëhet një lojtar për ekipin e parë dhe nëse ai ja arrin edhe pse do të jetë një mungesë për ekipin Shpresa, puna jonë është të përgatisim lojtarë për ekipin e parë dhe për këtë arsye do isha i lumtur nëse Bare do të ishte pjesë e përfaqësues A”.

Trajneri beson te futbollistët që ai drejton dhe ka bindjen se në dy transfertat ndaj Irlandës së Veriut dhe Islandës, Shqipëria e 21-vjecarëve do të arrijë rezultate të mira.

” Pres dy paraqitje të mira nga skuadra ime do të luajmë për të fituar ndaj Irlandës së Veriut dhe Islandës. Ndaj Estonisë u paraqitëm mirë, besoj se nëse luajmë si në atë sfidë edhe në dy takimet e rradhës mendoj se do ti fitojmë si ndaj Irlandës së Veriut ashtu edhe ndaj Estonisë”.

Lajme të tjera

Francë

Historia mes Paris Saint-Germain dhe Kylian Mbappe duket se ka marrë fund njëherë e përgjithmonë. Trajneri Luis Enrique, vendosi ta zëvendësonte sulmuesin në minutën...

Bundesliga

Bayerni i Mynihut ka gjetur trajnerin e ri. Lajmi i bujshëm vjen nga e përditshmja gjermane “Bild”, e cila raporton se në stolin e...

Featured

Rey Manaj është duke kaluar një nga momentet e tij më të mira bë karrierë. Sulmuesi shqiptar ka gjetur këtë të dielë golin e...

Itali

Klubi i Inter bën me dije se Hakan Calhanoglu, regjizori titullar i mesfushës së trajnerit Simone Inzaghi, vuan një mbingarkesë muskulore në kofshën e...