Paraditen e kësaj të premteje, trajneri i kombëtares shqiptare të 21-vjeçarëve Alban Bushi ka publikuar listën e 23 lojtarëve të grumbulluar për miqësoren ndaj Francës dhe ndeshjen zyrtare ndaj Austrisë sfida këto që do të zhvilllohen në ditët e para të muajit shtator. Është rikthyer të jetë pjesë e Shpresave ish-portieri i Laçit Gentjan Selmani i cili tashmë luan në Turqi ndërkohë që pjesë e listës janë edhe 17-vjeçari i Chelsea-t, Armando Broja që spikati në miqësoret ndaj Uellsit si dhe mbrojtësi i talentuar i Skënderbeut Jorgo Pëllumbi. Nga kampionati shqiptar janë grumbulluar edhe Julian Shehu, Esat Mala, Redon Xhixha etj.
