Kapiteni i Flamurtarit, Tomislav Bushiç u shpreh mjaft i zhgënjyer për humbjen ndaj Luftëtarit dhe veçanërisht për paraqitjen e tij dhe të skuadrës.
Pas disa ndeshjeve të mira, vjen kjo humbje në shtëpi. Si e shikoni këtë rezultat?
Bushiç: Nuk e di çfarë ndodhi, pasi e nisëm mirë. Luftëtari ka një ekip shumë të mirë, veçanërisht në sulm dhe na ndëshkoi. Ne gabuam shumë në sulm, pasi luajtëm me topa të gjatë dhe ishte shumë e vështirë për t’i zotëruar. Tani duhet të shikojmë përpara dhe të punojmë për ndeshjen e 4 ditëve më vonë në Shkodër.
Një kapiten si Bushiç, si do t’i motivojë shokët e skuadrës, pas kësaj humbjeje?
Bushiç:Është thjesht futboll, ku dikush do fitojë dhe dikush do humbasë. Ne krijuam disa raste dhe nuk shënuam, ndërsa Luftëtari goditi vetëm një herë dhe shënoi. Sot humbëm ,por në Shkodër mund të fitojmë dhe ecim përpara.