Lajme të mira për Xavin para Superkupës së Spanjës. Trajneri “blugranave” do të ketë dy lojtarë të rëndësishëm në dispozicion për sfidën gjysmëfinale përballë Realit të Madridit: Pedrin dhe përforcimin e rëndësishëm të merkatos, Ferran Torres.
Të dy kanë rezultuar negativë në testin për Covid-19 të kryer në orët e fundit dhe së shpejti do t’i bashkohen pjesës tjetër të ekipit në Riad, ku skuadra katalane ka zbarkuar që këtë të hënë..
Mesfushori dhe sulmuesi do t’u bashkohen lojtarëve të tjerë në stërvitjen që do të zhvillohet në stadiumin “Princ Faisal”, në Riad, menjëherë pas konferencës për shtyp të trajnerit dhe kapiteni Sergio Busquets.
Klubi ka njoftuar organet kompetente për rezultatet e tamponëve për të dy futbollistët.