Lajmë të mira nga Parisi për gjendjen fizike të Nyemarit. Trajneri i Paris Saint-Germain, Thomas Tuchel, tha këtë të martë se dëmtimi i pësuar nga braziliani “nuk është shumë serioz”, madje nuk përjashtoi mundësinë që ai të mund të luajë këtë të diel, kundër Lille, në Ligue 1.
“Lëndimi i Neymarit nuk është shumë serioz. Ai do të bëjë disa teste edhe nesër. Unë nuk mund të them se do të luajë kundër Lille (të dielën), por as nuk është plotësisht e pamundur,” – deklaroi gjermani para sfidës së nesërme ndaj Lorientit.
Pasi mori një ndërhyrje të vështirë nga bashkatdhetari i tij, Thiago Mendes (në sfidën ndaj Lyonit), futbollisti më i shtrenjtë i të gjitha kohërave u largua nga fusha me barelë, mes lotësh.
PSG tregoi të hënën se rezultatet e testeve paraprake ishin “qetësuese”, ndërsa vetë lojtari tregoi në rrjetet sociale se “mund të kishte shkuar edhe më keq”.
