Vetëm pak ditë më parë u largua zyrtarisht nga Luftëtari, pasi fitoi betejën në Dhomën e Zgjidhjes së Konflikteve me klubin gjirokastrit, sot prezantohet te skuadra e tij e re në Superiore. Bëhet fjalë për Gresild Likën, një nga zbulimet e sezonit të kaluar, që spikati me lojën e golat e tij, pavaërisisht se nuk i vlejtën Luftëtarit për të qëndruar në Superiore.
Njoftimi i Bylisit
“Gresild Lika, një nga lojtarët e spikatur në Superiore në sezonin e shkuar, mjeshtri i eurogolave, zyrtarizohet si pjesë e Bylisit për sezonin në vijim dhe jo vetëm. Lika është një element me shumë perspektivë, i cili e rrit edhe më shumë forcën e grupit tonë.
Presidenti Besnik Kapllanaj, pasi ka gjetur akordin e prezanton Likën si një nga afrimet cilësore në skuadrën tonë. I urojmë mirëseardhjen Likës dhe suksese me fanellën e skuadrës sonë të zemrës!
Merkato vazhdon plot surpriza…”
