Cagliari mori një tjetër 3-pikësh të rëndësishëm në kuadër të luftës për mbijetesë, teksa mposhti në shtëpi Fiorentinën me rezultatin 2-1.
Pas një pjese të parë të mbyllur pa gola, sardët zhbllokuan sfidën me anë të Joao Pedros në minutën e 53-të, ndërsa në të 66-ën ishte Ceppiteli ai që dyfishoi shifrat.
Fiorentina nga ana tjetër u zgjua shumë vonë, pasi rihapi takimin vetëm në minutën e 88’, pas një goli të shënuar nga Federico Chiesa, duke mos arritur të marrë qoftë edhe një pikë në transfertën e Sardenjës.
Pas kësaj fitoreje Cagliari shkon përkohësisht në vendin e 14, në kuotën e 30 pikëve, plot 9 pikë larg zonës së ftohtë të renditjes.
